نبــوت الغفــير
يانبوت الغفير
يابنوت اللوا
يامطرقع للفقير
لما طاب واستوى
يانبوت واتهرى
منك جسم الغلابة
والعضم داب وانكوى
وحسبي ع الديابة
يانبوت الحمير
يانبوت الندامة
ماسكاك ايد الامير
سايبة فينا علامة
يانبوت الوزارة
اللى اسهما الداخلية
ماتت عندك سمارة
واتجننت فوزية
يانبوت الامين
يانبوت الشرطة
احنا الناس الضايعين
و عاملنهم تورتة
يانبوت الرئيس
اللى حرامي السلطة
انت فى ايد القراطيس
واحنا ف سجن ف ورطة
يانبوت الظالمين
وارم جسمي منك
ف بلادنا مظلومين
امتى نبعد عنك
يانبوت الندامة
سبت فى قلبي علامة
وكسرت بايدك قلبي
وضاعت مني السلامة
يانبوت الحرامي
نهب بيك الحرامي البلد
وقتل بيك الحرامي الولد
ضيع بيك البلاد والناس
شعبي منك بايده اتجلد
كتبنا ع الورق اننا تعبانين
وعانينا المر من نظامه سنين
وصرخنا فى ودان البقر الاتنين
وشدينا ع البطون الحبال والطين
ماسمعش الزعيم شكوانا جوه القصر
وماعاشش ويانا الزعيم لا جوع ولا فقر
اصل الزعيم عايش لسة ف زمان
مش حاسس لفين وصل مابينا العصر
بين العذاب والفقر دقنا العصر
ماشية الامم للامام وماشي العصر
فرق بين زعما زمان والان
وفرق بين عصر زمان والعصر
شوفت اتنين فى السما طايرين
بيهمسوا مع بعضهم فرحانين
وقلت ليه ومين و ازاى
يكون فيه عندنا شبعانين؟
قالوا مش بنشيل الهم
ولا لينا زعيم ولا هم
ولو جالنا زعيم شلناه
مفيش من وراه غير غم
باديكوا تشيلوه ترموه
ولو ممكن لكوا تحاكموه
بتحنوا اليه الراس
ولو غيركوا لكان ركبوه
ليست هناك تعليقات:
إرسال تعليق