شبي يا ثورة
كان الصبر حليم واحتار
شبي يا ثورة ف وسط النار
واحرقي كل فاجر جبار
نهبوا بلادنا سرقوا ولادنا
هما الضباط الفجار
بيسموا نفسهم احرار
بايديهم وقفوا كل عمار
ايد بتساعد الاستعمار
شبي ياثورة وولعي فيهم
لمي ياثورة في الثوار
اقضي عليهم، روحي اليهم
رجعي خيرك للأخيار
باعوا ف عرضك فسدوا ف ارضك
هما عصابة من الأشرار
شبي ياثورة ف صدر الناس
شعب فقير مسكين محتاس
مسكوا رقبته وخنقوا الراس
حرقوا كتابه والكراس
قتلوا حضارته وكسروا الفاس
كتموا انفاسه بكل حماس
سحلوا فى جسمه وفقعوا العين
شالوا منه اى حواس
شبي ياثورة ف شعب انداس
صبره انهار
حول كل الضلمة نهار
صبره مرار
جاب لبلادنا كل العار
صبره عشار
وهيولد مارد جبار
صبره احتار
بعد الحيرة بتيجي النار
صبر وفار
م التنور الحل اختار
شبي يا ثورة بكل ما فيكي
وافتحى شباكك فى السجن
تعب الشعب المسجون فيكي
طار العقل.. المصري اتجن
انتي الامل الباقي عشانا
فيكي اللهب اللى ف ألحانا
انتى النار الطاهرة بتغسل
دمعة وطالت جوا زمانا
انتى الفارس جاي وراكب
فرسه لمصر وليكي المنة
انتى الثورة منتظرينك
تصبغى شعر بلادي بحنة
انتى الفجر الطالع لينا
بَدّل ارض النار بالجنة
انتى السهم اللى المستقبل
نور بيكي لكل ولادنا
شبي ياثورة تعبنا خلاص
حطمي قيد حكام الجيش
ضحكوا علينا بس خلاص
شفنا بعينا بلاوي شاويش
تعب القلب من الاخلاص
طعت روحنا وماتقوليش
ظلم الظالم فيها وهاص
نفسي الصبر في يوم ميجيش
شبي ياثورة وفيكي القوة
فيكي الايد بتهد جبال
فاكر نفسه شديد وفتوة
انسي ياثورة اللى بيتقال
قومي بايدك انتى وهو
حرروا مصر من المحتال
احرقوا حاكم ظالم جوه
انفذوا مصر من المغتال
برد نارك شد ازارك
خلى نار الثورة امال
بيها ترجع حقك دارك
بيها تحقق كل محال
شيل م الكرسي حرامي نهارك
حقق حلمك لينا خيال
وامشي وصمم على مشوارك
تمسح عار الفقر جبال
وافتح شيش الثورة لجارك
تفتح مصر ورودها جمال
وادخل واثق من خطواتك
تضحك مصر ف الاستقبال
افتح بيتك وافتح بابك
تفتح مصر الحضن مجال
واحضن بلدك واشرب كاسك
وامشي الثورة بحور واميال
مصري ياراجل لسة وفاضل
شعلة ثورة رجال وعيال
قوموا وشيلوا واقطعوا حيله
اللى قتل بايديه اجيال
مصر بلادي كريمة عظيمة
مش حنسيبها للفجار
مش سايبينك مش بايعنيك
مش حنسلم للثوار
ليست هناك تعليقات:
إرسال تعليق