الطــراطير
كات مصر عايشة بخير
قبل اللى صار ما يصير
دخل اللئام أرضنا
وحكِّموا الطراطير
هتك الغزاة عرضنا
وأنتكوا الفرافير
عملوا وزرة للحمارة
ووزارة تابعة للسفارة
وزارة تحط للبلد مناكير
كات خطة لئام العم سام
يبنوها بلاعة للصراصير
ضاعت بلادنا وشعبنا جننوه
سرقوا املنا
وخيرنا ضيعوه
مسحوا تاريخنا
وابننا جوعوه
يامصر ليه ضاع الطريق والدرب
وابنك مالوش غير الالام والضرب
والجوع سادد طريق الناس
ايه عمل فيكي الطغاة والغرب
امشي الاقي على وشكم اكتئاب
والفقر فيكم والمرض غلاب
ضاع الفرح وراح اهل بلدي
ومعدتش فيهم غير الم وعذاب
طرطور كبير ع البلد بيطرطر
بالجزمة ياخد فوق دماغة يكركر
لكن احنا لو بالادب هنكمله
تورم صداغه وعلينا راح يتأمر
طراطير كتيرة عايشة من حواليه
تمسح في جزمة ابن الايه
تسجن تجوع تطيع ف امر البيه
وخوفهم في القلب من عضته
اكبر من للى كل شئ ف ايديه
طراطير بلادي ليها اكبر قيمة
مبيساووش مشخصاتي في سيما
لكن بلادي لسة فيها العجب
لئيم حاكمها وبرضو وياه لئيمة
انا كنت حاطط ايديا في جيبي
بهمس واغازل واشتكي لحبيبي
وكنت فاكر ان نار الشوق
كل المنتهى والعذاب ولهيبي
طرطور قابلنا من بتوع الامن
لقانا احنا كالعسل ع السمن
عرفني من بعدها صنوف النار
معلقة منها مررت تعذيبي
وشعب كان ماشي جنب الحيط
حاصروه وعاش على 3 قراريط
كتموه وقلتوه كلمته وحضارته
هدموه ودمروا مصنعه والغيط
طراطير وعايشة فيها بطول والعرض
مرمطوا بكرامة شعب مصر الارض
الاكادة انهم بايديهم
اهدوا بلادهم للعدا والعرض
طراطير
حكموا البلد وبيلبسوا الطراطير
طراطير
صبر الولد والصبر أخره خطير
طراطير
نزعق عليكي ياثورة بالزمامير
طراطير
لما يحين الوقت البغل راح هيطير
ليست هناك تعليقات:
إرسال تعليق